انا اسمى جورج كنت عاوز احكيلكم على معجزة جميلة جدا حصلت مع ابن عمتى للبابا شنوده والبابا كيرلس ....
ابن عمتى اسمه ريمون فاروق فاتح صيدلية فى المرج عمره 27 سنه ابتدى يحس انه ريقه على طول ناشف وعلطول عاوز يدخل الحمام فراح حلل لقى السكر عنده عالى جدا فصام تانى يوم ونزل حلل تانى عشان يتأكد لقى النتيجه هى هى فابتدى يروح لدكتور عشان يتابع معاه فقاله نسبة السكر عاليه عندك وهديلك نوعين من الاقراص ولو مجابوش نتيجة هنضطر نديلك انسولين فاخد الدوا وعادى بعدها بكام يوم واقف فى الصيدلية كعادته وبيتكلم مع واحد على موضوع الانتخابات فبيقولله انت هتنتخب مين فى انتخابات الرئاسة راح طلعله صور للبابا شنوده واداهمله وقالله انا هنتخب ده وسابه ومشى فاخد الصور وباسها واخدها معاه فى البيت فقبل مينام مسك الصورة بتاعه البابا شنوده وصورة للبابا كيرلس شفيعه وقعد يبكى ويقولهم كده سيبتونى المرض بتاع السكر ده يجيلى وانا ليسه صغير كده ؟؟؟؟ وكان هيدخل على موضوع ارتباط قعد يلوم فيهم وهو بيبكى وبعدها نام وبعد ما نام لقى البابا كيرلس جاله وخبطه بالصليب على دماغه وقالله قوم يا حبيب ابوك انت مفياكش حاجة انت سليم وبعدها جه البابا شنوده كان معاه زجاجة زيت ورشمه بيه وبعدها حط الزجاجة على الكمودينو اللى جنب السرير وبعدها مشيوا لما صحى افتكر انه كان بيحلم فبص جنبه لقى الزجاجة بتاعه الزيت جنبه على الكمودينو فعلا وقعد يسأل اللى فى البيت كلهم حد حط الزجاجة دى هنا ؟ ردوا عليه قالوله لا
فبعدها راح يحلل عشان يشوف فى سكر ولا لا لقى انه معندوش اى حاجة وسليم ومفيش اى اثر للسكر
وبركة صلوات البابا شنوده والبابا كيرلس تكون معانا امين
المشاركات
0 التعليقات:
إرسال تعليق